აშშ – ის საელჩო – მამუკა მდინარაძის დღევანდელ განცხადებებს ეხმაურება და მცდარს უწოდებს

• საქართველოში აშშ-ის საელჩო საპარლამენტო უმრავლესობის ლიდერის მამუკა მდინარაძის დღევანდელ განცხადებებს ეხმაურება და მცდარს უწოდებს.

“ბატონი მდინარაძის დღევანდელი განცხადებები სრულიად მცდარია და წარმოაჩენს ცოდნის ნაკლებობას იმის შესახებ, თუ რას აკეთებს შეერთებული შტატების საელჩო პრეზიდენტ ტრამპისა და სახელმწიფო მდივან რუბიოს მთავარი პრიორიტეტების მხარდასაჭერად – გახდეს ამერიკა უფრო უსაფრთხო, უფრო ძლიერი და უფრო წარმატებული”.-ნათქვამია განცხადებაში.