- პოლიტოლოგი ვახტანგ ძაბირაძე „ნაციონალური მოძრაობის“ თავმჯდომარე ნიკა მელიას განცხადებას ეხმიანება, რომლის მიხედვით, „ნაციონალურ მოძრაობაში“ დიდი განახლების, გადალაგების დროა.
“რამდენიც არ უნდა ილაპარაკოს ნიკა მელიამ, არ მგონია, მიხეილ სააკაშვილთან შეთანხმების გარეშე, დამოუკიდებლად გადაწყვეტილებების მიღების საშუალება ჰქონდეს. თუმცა შესაძლოა, მელიამ შექმნას ისეთი ჯგუფი, რომ გარკვეული დროის შემდეგ სააკაშვილი დატოვოს თამაშგარე მდგომარეობაში, ეს ურთულესი პრობლემაა, მაგრამ შეუძლებელი არ არის, – ამბობს პოლიტოლოგი ვახტანგ ძაბირაძე.
